12 dagar igjen!

No er det 12 dagar til vi forlet Norge til fordel for Kina og Beijing. Det har nok ikkje gått heilt opp for meg endå, sjølv om alle ønsker meg god tur og spør om eg er klar til å reise. Klar? Tja, eg har ikkje byrja å ta malariamedisin (har faktisk ikkje peiling på kva slags eg skal ta og når), ikkje heilt funne ut kva sekken skal innehalde og ikkje kjøpt alt utstyr. Eg støttar meg til "pakk lite og kjøp heller det du treng i Asia - der er det så billig"-filosofien og håpar eg finn klede som passar ei 1,79 m høg jente :p Denne gongen er det ikkje så viktig at eg hugsar tannbørste - billettane og passet derimot! Eg har i dag kjøpt Roskildebilletten, så då er den sikra :)